ՀՀ Աշխատանքի և սոցիալական հարցերի նախարար Արսեն Թորոսյանն արձագանքել է հալյուցինոգեն սնկերի մասին ռուսաստանահայ գործարար, «Ուժեղ Հայաստան» կուսակցության ղեկավար Սամվել Կարապետյանի հայտարարություններին։
«Պարզվում է՝ մենք հալյուցինոգեն սնկերի մասնագետ էլ ունենք մեր ընդդիմությունում, որն այնքան է կերել այդ սնկերից, որ ինքն է ապրում հալյուցինացիաների մեջ։
Կալուգացի օլիգարխին ասում ենք՝ գիտե՞ս, մեր օրենքները, Սահմանադրությունը արգելում են այլ երկրի քաղաքացիներին առաջադրվել և ընտրվել պատգամավորի թեկնածու և վարչապետ, ասում է՝ ես լինելու եմ վարչապետ։
Ես էլ տիեզերագնաց եմ դառնալու․․․ բայց չէ՛, ես տիեզերագնաց չեմ դառնա, որովհետև քո պես հալյուցինոգեն սնկեր չեմ կերել քեզ հայտնի շատ տարբեր երկրների ռեստորաններում։
Մի քիչ շատ կեր, կարող է մենակ մեր երկրի վարչապետ չդառնաս, այլ, օրինակ՝ հալյուցինացիաներում ուրիշ երկրի վարչապետ էլ դառնաս։ Չեմ ուզում ոչ մեկի նկատմամբ խտրականություն, իհարկե, դրսևորել և խարանել, բայց հաճախ մարդիկ իրենց տենց հալյուցինացիաների տակ, օրինակ՝ նույնականացնում են Հուլիոս Կեսարի հետ, Նապոլեոն Բոնապարտի հետ։
Հիմա էս մեր դեպքն է․ դոզան շատ է եղել հալյուցինոգեն սնկերի։ Մի քիչ թուլացրե՛ք, գոնե Նիժնի Տագիլի հարկայինի պետի տեղակալի մակարդակի, որ հետո շատ ցավոտ չլինի հիասթափությունը»,- ասել է նա։
