ԱԺ նախագահի մամուլի քարտուղար Մովսես Հարությունյանը ֆեյսբուքյան իր էջում գրել.
««Ուժեղ Հայաստան»-ի ցուցակը գլխավորող Նարեկ Կարապետյանը ԿԵՂԾ պնդումներ է հնչեցրել, թե իբր վերջին տարիներին նպաստավոր պայմաններ են ստեղծվել խաղային ոլորտի զարգացման համար։ Նաև ձեռքի հետ ԶՐՊԱՐՏԵԼ է ՀՀ ԱԺ նախագահին: Հիմա խոսենք փաստերով.
Երևի կհիշեք՝ ժամանակին բոլոր գազալցակայաններում խաղային ապարատներ կային, որտեղ վարորդները պարտվում էին իրենց օրվա վաստակածը: ՀԱՆՎԵՑԻՆ
Նախկինում փողոցներում ամեն քայլափոխի բուքմեյքերական գրասենյակներ էին, որտեղ անչափահասներից մինչև թոշակառու խաղադրույքներ էին կատարում: ՓԱԿՎԵՑԻՆ
Փողոցներում, մայրուղիների վրա, օդանավակայանում, շենքերի վրա, ինտերնետում, գրեթե բոլոր լրատվական կայքերում խաղային ոլորտի գովազդներ էին, որոնք գրավիչ առաջարկներով թակարդն էին գցում մեր տարբեր հայրենակիցներին։ ՓԱԿՎԵՑԻՆ
Ով ուզում էրվճարային տերմինալներով լիցքավորում էր խաղային հաշիվը ու խաղում։ ԱՐԳԵԼՎԵՑԻՆ Կանխիկ գումարով, անվերահսկելի ու ստվերային ձևով խաղադրույքներ էին կատարվում: Դարձան անկանխիկ, վերահսկելի ու խիստ նույնականացմամբ։ Ու էլի բազմաթիվ փոփոխություններ կատարվեցին, որոնց մի մասը դեռ ուժի մեջ չի մտել, մի մասն էլ դեռ արվելու է։ Ի դեպ, պարոն Կարապետյանն ասում է, թե հենց այս իշխանության որոշումներով է անկանխիկ խաղադրույքների համակարգը ներդրվել, այնինչ 2018-ից առաջ էլ է օրենքով նախատեսված եղել քարտային տարբերակով հաշիվը լիցքավորելու տարբերակ, որը բուքմեյքերները չեն օգտագործել ստվերային ու անվերահսկելի գործունեություն ունենալու պատճառով։ Ստացվում է` Նարեկ Կարապետյանը գտնում է, որ այս ամեն ինչը սխալ է եղել: Այսինքն, եթե իրենք գան իշխանության, վերաբացելու են բուքմեյքերական կետերը, թույլատրելու են խաղային ապարատները, թույլատրելու են գովազդը, թույլատրելու են կանխիկով ու տերմինալով խաղային հաշիվ լիցքավորելը, հանելու են բանկային քարտերով լիցքավորման սահմանափակումները: Կարճ ասած, դրախտային պայմաններ են ստեղծելու խաղամոլության տարածման համար: Հիմա հարց. ո՞վ է ուզում մարդկանց նստեցնել խաղային ասեղի վրա…»,-նշել է նա։
