«Ձեր ասելով՝ ես ի՞նչ պիտի անեի, կանգնեի հրապարակում, գոռայի՝ դավաճա՞ն»,- «Եռաբլուր» զինվորական պանթեոնում լրագրողների հետ զրույցում ասել է ԵԿՄ վարչության նախագահ Սասուն Միքայելյանը՝ պատասխանելով հարցին, թե ինչպես է ԵԿՄ-ն այսօր նշում Մայիսի 8-ն՝ առանց Արցախի։
«Մենք ճանապարհ ենք անցել և մեր գործունեությունը եղել է մեր երկրի, Արցախ աշխարհի ազատագրումը, պաշտպանությունը։ Եվ մենք արել ենք այն, ինչ անում ենք հիմա, մենք մինչև այսօր պահում ենք մեր երկրի սահմանը, եթե սխալվենք՝ մենք մեր ազգի ճակատագրի հետ ենք խաղում»,- նշել է նա և շարունակել․ «Էս տարիների ընթացքում մենք մեր գործն ենք անում, ԵԿՄ-ն քաղաքականությանը չի խառնվել, արել է այն, ինչ արել է սպարապետը ժամանակին»։
