Նախընտրական քարոզարշավի շրջանակում Նիկոլ Փաշինյանն այցելել է Ագարակ, շրջել քաղաքի փողոցներով, զրուցել և լուսանկարվել քաղաքացիների հետ։
«Ժողովուրդ ջան, բայց քայլում ենք երթով. ով քայլելով հասցնում է նկարվել՝ թող նկարվի»,– կատակել է նա՝ արձագանքելով լուսանկարվելու խնդրանքներին։
Բացի փողոցային շփումներից, Փաշինյանն այցելել է նաև բազմաբնակարան շենքեր՝ անձամբ թակելով բնակիչների դռները։ Բնակարաններից մեկում տարեց կինը ներկայացրեց, որ ունի 55 տարվա աշխատանքային փորձ և դեռ շարունակում է աշխատել։
«Աշխատո՞ւմ եք, շնորհակալ ենք ձեզ, որ աշխատում եք»,– արձագանքեց Փաշինյանը` հետաքրքրվելով նաև բնակարանի պայմաններով ու այն հարմարություններով, որոնցից օգտվում է թոշակառուն։
«Տրամադրությունները լա՞վ է, ձեր թոշակը բարձրացե՞լ է… Աստված չանի առողջական խնդիր լինի, բայց եթե հանկարծ լինի՝ նաև առողջության ապահովագրության շահառու եք», – ասաց Նիկոլ Փաշինյանը։
