«Մենք քաղաքական գործիչներ չենք եղել, ուղղակի տնտեսություն ենք զարգացրել, հաջողություններ ենք ունեցել՝ գործարաններ, հյուրանոցներ ենք բացել»,-գորիսեցիների հետ հանդիպման ժամանակ ասաց «Ուժեղ Հայաստան» կուսակցության խորհրդի անդամ Նարեկ Կարապետյանը։
Նա նշեց, որ իրենք էլ չեն սիրել քաղաքական գործիչ լինելը։
«Բայց մի մարդ կար, որը սկսեց պրոցեսներ, որոնք մեր համար տարօրինակ թվացին; Առաջինը՝ նախորդ տարվա Ցեղասպանության հիշատակման օրերին մենք լսեցինք, որ էս մարդը մեր հարևան երկրին խոսք է տվել, որ Ցեղասպանության թեման ուզում է մոռանալ։ Մի քիչ կասկածով վերաբերվեցինք, բայց լսեցինք։ Եկավ մյուս լուրը. Հայոց Հայրապետի հետ սկսեց խոսել մի խոսույթով, որով մենք փողոցում չենք խոսում ու սկսեց Եկեղեցուն տարբեր անուններ տալ»,- հիշեց Նարեկ Կարապետյանը։
Նա հավաքվածներին խորհուրդ տվեց պատկերացնել, որ մուսուլմաններն իրենց մզկիթին նման անուն դնեն՝ քանի վայրկյան հետո այդ խոսքերի հեղինակին կսրբեին այնտեղից։
Կարապետյանը հարցրեց, թե արդյոք քաղաքացիները գիտեն, թե ՔՊ-ի համար ո՞վ է Հայաստանի անվտանգության երաշխավորը և հնչեցրեց նրանց անունները՝ Ադրբեջան և Ալիև։
«Երաշխավորի խոսքերն եմ կարդում, որը ասել է երկու ամիս առաջ, իրենց «գիտնականների» ներկայությամբ»,- ասաց Կարապետյանը և մեջբերեց Ալիևի խոսքերը, «Ես արդեն որոշ ժամանակ առաջ ասել եմ՝ մենք պետք է վերադառնանք մեր պատմական հողեր՝ ոչ թե տանկերով, այլ ավտոմեքենաներով և այն իրականացնելու համար հիմնական պատասխանատվությունը դրված է պետության վրա»։
Կարապետյանը հիշեցրեց, որ իրենց պատկերացրած պատմական հողերը ներկայիս Հայաստանն է. «Գալիսին ասում են. ««գորուս», էդ էլ է մերը»»։
Նարեկ Կարապետյանը բացատրեց, որ Ադրբեջանը հզոր պետություն չէ աշխարհում 80-րդն է և նրա հետ պետք է հավասարը-հավասարի հետ խոսել, ոչ թե վասալի կարգավիճակով։
«Դուք կրվել եք, կարա՞ք գնաք։ Մի անգամ պարտվել եք, ինչու եք ձեր պարտության բարդույթն անընդհատ մեր վրա բարդում»,-հայտարարեց «Ուժեղ Հայաստանի» ներկայացուցիչը։
