ԲՀԿ նախագահ Գագիկ Ծառուկյանը Հրազդանում քարոզարշավի ժամանակ հայտարարել է, որ ինքը չի ցանկանում զբաղեցնել վարչապետի պաշտոնը։
«Ծառուկյանը վարչապետ չի ուզում։ Ես ձեզ խոսք եմ տվել։ Կարող էի ասել, որ իմ կուսակցության վարչապետը ես եմ․ ստեղծել եմ, կայացել եմ, այս հող ու ջրի մարդն եմ։ Բայց որպեսզի ավել-պակաս խոսակցություններ չլինեն, ես նման նպատակ չունեմ»,- նշել է նա։
Ծառուկյանը վստահեցրել է, որ ԲՀԿ-ն վարչապետի պաշտոնի համար ունի չորս հավանական թեկնածու, որոնք ունեն փորձ, կապեր և արդեն իսկ արդյունքներ են ցույց տվել։
«Վարչապետի չորս թեկնածու կա, որոնք և՛ փորձ ունեն, և՛ պատրաստակամ են, և՛ կապեր ունեն, և՛ արդյունք են ցույց տվել։ Եթե հաջողվի հասնել այդ փուլին, բոլորին կներկայացնեմ, իսկ ժողովուրդը կտա իր գնահատականը»,- ասել է Ծառուկյանը։
