Գեղարքունիքի մարզի Դպրաբակ գյուղում «Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանի հետ հանդիպման ժամանակ բնակիչներից մեկը դպրոցների մասին հարց բարձրացրեց։ Մասնավորապես նա ասաց, որ Աղավնավանքում 300-400 հոգու համար դպրոց են կառուցում, բայց բնակչությունը 20-30 հոգի է. «Այդ դպրոցն ո՞ւմ համար են սարքում»։
Ռ.Քոչարյանը պատասխանեց. «Ուրեմն սա են փակելու, մյուսն են փակելու, մյուսն են փակելու։ Մեր ծրագրում հստակ ֆիքսել ենք՝ դպրոցաշինությունը դպրոցներ փակելու համար չպետք է լինի։ Եթե մեկ հատ դպրոց ես կառուցում 5 հատ փակելու համար, ուղղակի անընդունելի է»։
Բռնի տեղահանված արցախցիներից մեկը բնակարաններով ապահովման խնդրի մասին հարց բարձրացրեց։ Ռ. Քոչարյանը պատասխանեց. «Երկու-երեք տարում Հայաստանում գտնվող արցախցիների բնակարանային խնդիրները կարելի է լուծել։ Իմ տպավորությունն է՝ ամեն ինչ անում են, որ դուք այստեղ չմնաք»։
