«Լուսավոր Հայաստան» կուսակցությունն այսօր քարոզարշավը սկսել է Հարկադիր կատարումն ապահովող ծառայության շենքի մոտից։
Այնտեղ հանդիպել են ԼՀԿ ցուցակը գլխավորող Էդմոն Մարուքյանն ու ՀՀ արդարադատության նախարար Սրբուհի Գալյանը։ Նախարարն ասել է, որ այնտեղ էր եկել հարկադիր կատարողի մասնագիտական տոնի առթիվ։
Մարուքյանը նշել է, որ եկել են քաղաքացուն ասելու՝ հունիսի 7-ին կարող են այս համակարգը փոխել։
«Այս համակարգը գործառույթի՞ առումով եք փոխելու, թե՞ լիազորությունների իրականացման»,- հակադարձել է Գալյանը։ Նա հետաքրքրվել է՝ բացի քաղաքացու հաշիվները սառեցնելուց, այլ կերպ ինչպե՞ս է հնարավոր բռնագանձումն իրականացնել։
