ՀՀ վարչապետ Նիկոլ Փաշինյանը պարզաբանել է, թե ԱԳ նախարար Արարատ Միրզոյանն ինչ է նկատի ունեցել՝ ասելով, թե «թուրքերն էսօր բացում են»։
Ըստ նրա՝ մինչև հիմա Թուրքիայից ապրանքներ արտահանելիս պետք է նշվեր առաքման երկիրը, և իրենց կարգավորումներով Հայաստանն այդ երկրների ցանկում չի եղել. ձևակերպվել է երրորդ երկիր, որտեղից էլ առաքվել է Հայաստան։
«Գիտեք՝ Հայաստանում թուրքական ապրանքներ կան։ Դրանք տանում էին ուրիշ երկիր, ձևակերպում էին, նոր բերում։ Հիմա ձևակերպում են այնպես, որ այդ ցանկում Հայաստանը նշվի որպես առաքման երկիր»,- նշել է վարչապետը։
