Շենգավիթ վարչական շրջանում նախընտրական քայլերթի ընթացքում մարդիկ ԲՀԿ առաջնորդ Գագիկ Ծառուկյանին բողոքել են գույքահարակի բարձրացումից։ ԲՀԿ առաջնորդը որոշումը կամայական է որակել, այն անհրաժեշտ է վերանայել։
«Երևանցիների համար գույքահարկը 100 տոկոսով ավելացրել են, ժողովւրդ ջան, դա անարդարացի մոտեցում է։ Մարդը՝ գիտնական է, ինժիներ է, 40 տարի աշխատելէ , իրեն տուն են հատկացրել, ինքն այդտեղ ապրում է իր թոշակով, գույքահարկը թանկացրել են։ Ասում է՝ ծախի, գնա գյուղում ապրի, ամոթ է, դա մարդկային վերաբերմունք չի։ Ես դեմ չեմ, թող ընդունեն 2020-ից հետո բնակարան գնածների համար, ոչ թե թոշակառուին ասեն, տունդ ծախի, գա՞ն Ադրբջանից տներն առնեն ու ապրեն»,-ասաց Ծառուկյանը։
ԲՀԿ առաջնորդը հանդիպման մասնակիցներին հորդորեց անպայման մասնակցել ընտրություններին՝ քվեարկելով իրենց խղճին համապատասխան։
«Մի հայտարարեք, գնացեք ընտրություն կատարեք։ Վախենո՞ւմ եք, ով հարցնի, ասեք ձեզ եմ ընտրելու, գնացեք ձեր ընտրությունը կատարեք»,-նշեց ԲՀԿ առաջնորդը։
Մարդկանց հետ հանդիպումներում հնչած կարծիքները երկընտրանքի առաջ են կանգնեցրել քաղաքական գործչին կարգախոսի հարցում։
«Ես ասել եմ՝ երաշխավորված խաղաղություն, բարգավաճ Հայաստան։ Բայց հիմա քաղաքացիներն ասում են՝ ամենալավը սա է, ընտրիր «Բարգավաճին», գործերդ կգնան աջին»։ Հիմա չգիտեմ, որը որ ժողովրդի համար ընդունելի է, այն էլ կընտրենք, մոտ օրերս կհայտարարենք»,-ասել է Ծառուկյանը։
