«Ով ես դու, ընդհանրապես, Նիկոլ, ով ես դու, որ ուզում ես վախի մեջ պահել մեր ժողովրդին։
Մենք արդեն համարյա ամեն օր ահազանգեր ենք ստանում, թե ինչ քայլեր են անում Նիկոլ Փաշինյանի բաշիբոզուկները, որ վախի մեջ պահեն մեր ժողովրդին, որ մեր քաղաքացիներին վախեցնելով հեռու պահեն ընտրություններից»,- այս մասին տեսանյութ է հրապարակել «Միասնության թևերի» վարչապետի թեկնածու Արման Թաթոյանը։
Նա նշում է, որ «ջրի տեսուչ» կոչվող մարդիկ գնում են տներ, ցուցակներով, ճշտումներ են անում, թե ում օգտին են քվեարկելու. «Եթե հանկարծ պարզվում է, որ իշխանության օգտին չեն քվեարկելու, հատուկ նշում են անում, որ վախի զգացում առաջանա մարդկանց մոտ, հետո էլ իշխանության քարոզ են անում ու նոր հեռանում։ Զանգում են մարդկանց աշխատանքի վայրեր, ուսման վայրեր, սպառնում»։
