«Մեծամորը ողջ Հայաստանին տալիս է էլեկտրաէներգիա, իսկ ինչ է տալիս Հայաստանը Մեծամորին»,-մեծամորցիներին դիմեց «Ուժեղ Հայաստան» կուսակցության խորհրդի անդամ Նարեկ Կարապետյանը։
Նշելով, որ շրջում էր Մեծամոր ավանի փողոցներով և տեսավ, որ Խորհրդային տարիներից մնացած շինություններ են միայն, Կարապետյանը նակտեց, որ այն նշանակում է, որ ավանը պետությունից համարժեք պատասխան չի ստանում։
Նարեկ Կարապետյանը նշեց, որ ուժեղ Հայաստանում Մեծամորը ուշադրության կենտրոնում կլինի, նաև տեղի գյուղատնտեսությունը կզարգացվի, որն ունի ջրի պրոբլեմ։
«Հայաստանն աշխարհում ամենաշատ ջուր ունեցող երկրների թվում լինելով, երբ մեկ մարդուն համար նորմայից երկու անգամ շատ ջուր կա, օգտագործում ենք ջրի միայն 5 %-ը, մնացած 95%-ը կորչում է»,-ասաց «Ուժեղ Հայաստան» կուսակցության խորհրդի անդամը;
Նա առաջարկեց Արարատյան դաշտի ջրի խնդիրը լուծել Սևան-Հրազդան կասկադ Արփա-Սևան ջրատարով լրացուցիչ 70 մլն մ/խ ջուր ուղղելով։
Նա անդրադարձավ նաև վարկերի բարձր տոկոսների տակ տառապող քաղաքացիների խնդրին։
«Վրաստանում երկրի ղեկավարը գործարար է՝ վարկերը 8 % է, իսկ Հայաստանում՝ երկրի ղեկավարը լրագրող է՝ վարկերը՝ 24%»,- նկատեց Կարապետյանը և հայտնեց, որ «Ուժեղ Հայաստանը» առաջարկում է, որ եթե քաղաքացին 1.5 տարի չմարած վարկ ունի, ապա տվյալ քաղաքացու վճարած աշխատավարձի հարկերից վարկը մարվի։
«Ուժեղ Հայաստան պետոք է ունենանք, իսկ ուժեղ երկիր ունենալու համար էլ պետք է ընտրել թիվ 3-ին»,- խոսքն ավարտեց Նարեկ Կարապետյանը;
Նրա ելույթից հետո հրապարակվեց «Ուժեղ Հայաստան» կուսակցության առաջնորդ Սամվել Կարապետյանի տեսաուղերձը՝ ուղղված արմավիրցիներին։
«Մենք ամեն ինչ անելու ենք, որ մեր աշխատասեր ժողովորդոն իր հողի վրա ապահով ու հարուստ ապրի։
Էջմիածինը պետք է դառնա ամբողջ աշխարհի քրիստոնեության կենտրոնը… Արմավիրը պարտավոր է հաղթել չարիքին»,- իր խոսքում ասաց Սամվել Կարապետյանը։
