«Մենք անպայման մտցնելու ենք նաև մեր ծրագրի մեջ, որ վարչապետի թեկնածուն պարտավոր է «փսիխոյի» թուղթ հանել մինչև ընտրություններին մասնակցելը, որպեսզի մենք պետական ղեկի վրա այլևս գժեր չունենանք»,-չարենցավանցիների հետ հանդիպման ժամանակ հայտարարեց Երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
Պատասխանելով քաղաքացու հարցին՝ Քոչարյանը հայտարարեց, որ հայաստանի իշխանություններն ամեն ինչ արել են, որպեսզի խոչընդոտեն իր անձնական կապերն օգտագործել և փորձել պատերազմը կանգնեցնել։
«Մի պահ նույնիսկ մտածեցի, որ պետք է թռչել Մոսկվա, համոզել գործընկերներիս հնարավորինս շուտ կանգնեցնել պատերազմը։ Պատերազմի 3-4-րդ օրը ինձ համար արդեն պարզ էր, որ այսպիսի կազմակերպմամբ դա ոչ մի լավ ավարտ չի ունենալու»։
Նա պատմեց, որ այդ օրերին իր նկատմամբ երկրից դուրս գալու արգելք կար, բայց Դատարանից ստացել են մեկնելու թույլտվություն։
Հիշելով որ կար նաև կորոնավիրուս և առանց թեստերի հնարավոր չէր մեկնել՝ Երկրորդ նախագահը հայտնեց, որթեստ է հանձնեցի։
«Թեև առողջ էի և ինձ լավ էի զգում, սակայն պատասխանը եղավ, որ ես կորոնավիրուս ունեմ։ 4-5 ռապիդ թեստ գնեցի, բոլորն էլ բացասական էին։ Այսինքն՝ այստեղ էլ նրանք ամեն ինչ արեցին, որպեսզի ես չկարողանամ օգտագործել իմ կապերը», -ասաց Քոչարյանը և, հավելելով, որ պատասխանատվությունից չեն փախել, նշեց։
Ինքներս գնացինք Արցախ և առաջարկեցինք օգնել։ Մերժեցին։ Մի պաշտոնյա, որի անունը չեմ ուզում տալ, նույնիսկ հայտարարեց, թե մենք գիտենք, որ հաղթելու ենք, «և ուզում են փառքն իրենց վերագրել», – հայտարարել է քաղաքական գործիչը»։
