Վարչապետ Նիկոլ Փաշինյանը քարոզարշավի ընթացքում ասել է, որ ժողովուրդը Հայաստանից ամեն ինչ՝ փող, սնունդ, կոշիկ է ուղարկել Ղարաբաղ, իսկ այնտեղ նստած են եղել «լափամանի» վրա։
«Իսկ երբ կռվելու պահն էր, 300-ի տակ նման խոսողները արանքը ճղեցին ու փախան՝ զինվորներին թողնելով մենակ։ Հիմա էլ եկել են, ասում են՝ 5000 զոհ։ Ասում եմ՝ Կալուգացի՛, Ռո՛բ և Գագո՛, հիմնավորե՛ք 5000 թիվը։ Եթե չհիմնավորեք, ձեզնից պատասխանը պահանջելու ենք մենք»,- ասել է նա՝ հավելելով. «Չհիմնավորեցի՞ն՝ ժողովուրդը նրանց ծնկի է բերելու»։
«Կոնկրետ ասում եմ՝ Ռոբե՛րտ, Կալուգացի՛, Պրոբելառո՛ւս և սրանց արանքներում ոտքերի տակ ընկնող Սե՛րժ, չորսդ էլ Հայաստանից փախնելու հնարավորությանը երանի եք տալու, ոչ մեկդ չեք փախնելու։ Ձեզ սպասում է երկարատև կյանք Հայաստանի Հանրապետության օրենսդրության հարմարավետ պայմաններում՝ քրեակատարողական չորս տարբեր հիմնարկներում»,- հավելել է վարչապետը։
