Հայաստանի ԳԽ և ԼՂՀ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
«2018 թ․ հունիսի 1-ին Արայիկ Հարությունյանը Արցախի պետական նախարարի պաշտոնից հրաժարական է տվել։ Այդ օրերին մի խումբ երիտասարդներ փակել են Ստեփանակերտի Ազատամարտիկների պողոտան և պահանջել գլխավոր դատախազի, Ոստիկանության պետի և ԱԱԾ տնօրենի հրաժարականը։ Նիկոլ Փաշինյանը հայտարարել է, որ «հեղափոխությունը չպետք է հասնի Արցախ»։ Եթե Արթուր Օսիպյանը քաղաքական բանավեճ էր նախաձեռնել, ապա կարող էր կոռեկտ ձևակերպել հարցը, թե ինչու՞ հեղափոխությունը չպետք է հասներ և այդպես էլ չհասավ Արցախ։
Հ․Գ․Օսիպյան-Փաշինյան վեճի մասին տեղեկությունը ռուսաստանյան ՌԻԱ-Նովոստիի գլխավոր նորություն է դարձել այս վերնագրոով․ «Փաշինյանը հարձակվել է ղարաբաղցի հայի վրա, թե նա ինչու՞ չի զոհվել»։ ՌԻԱ Նովոստին «թերթոն» չէ, պետական գործակալություն է, որի խմբագրական քաղաքականությունը մշակում են ՌԴ նախագահի աշխատակազմում և ԱԳՆ-ում։ Մեկնաբանություններն այստեղ ավելորդ են»։
