«Զարուհի Փոստանջյանը բազմազավակ մայր է և կին, փաստաբան, նախկինում ընդդիմադիր գործիչ և Փաշինյանը՝ գետինը մտնես, ստահակ, կաշառակեր, ինչ վիրավորանքներ ա տալիս, բնականաբր, որ դիմի դատարան Զարուհի Փոստանջյանը Փաշինյանը ոչ մի ձև չի կարող պաշտպանվել, որովհետև ոչ մի փաստ չունի, էն ինչ-որ խոսում ա»,-նախընտրական քարոզարշավի ընթացքում վարչապետի պաշտոնը զբաղեցնող Նիկոլ Փաշինյանի պահվածքին անդրադառնալով՝ ասել է «Լուսավոր Հայաստան» կուսակցության վարչապետի թեկնածու Էդմոն Մարուքյանը։
«Բայց մի հատ կարևոր բան կա Զարուհին էն մարդն ա, որ երբ Փաշինյանի վրա են հարձակվում «Կոշ» ՔԿՀ-ում, գնում էր գիշերը այնտեղ և ամբողջ գիշեր մնում էր Փաշինյանի մոտ և առավոտը որոշում է կայացվում, որ նրան պետք է տեղափոխեն «Արթիկ» ՔԿՀ։ Էնքան բան ունի Զարուհին արած Փաշինյանի համար, մարտի 1-ի գործով ձերբակալվածների համար։ Ցանկացած մարդու կարա փաստաբանը պաշտպանի և չի կարելի փաստաբանին նույնականացնել իր վստահորդի հետ կամ պաշտպանյալի։ Նման վիրավորանքներ տեղալ մեկ խայտառակություն ա, մյուսն էլ էդ մարդու էդքա արածի ուրանալը ո՞րն ա, Նիկոլ, էս ի՞նչ ձև ա, Զարուհին Քոչարյանի դեմ ամենաշատ պայքարած մարդն ա և քո օրոք էդ մարդիկ 8 տարի է քաղաքական գործունեություն են ծավալում, Զարուհին ա՞ կաշառակեր, որ էդ մարդիկ կան ու եթե մինչ-որ մեկին կա էդ հարցով քննադատելու, դա դու ես, ամոթ ա ու չի կարելի արած բաներն ուրանալ,- դիմելով Փաշինյանին՝ իր խոսքը եզրափակել է Մարուքյանը։
Հիշեցնենք, որ Արաբկիրում տեղի ունեցած քարոզարշավի ժամանակ վարչապետի պաշտոնը զբաղեցնող Նիկոլ Փաշինյանը վիրավորանքներով դիմել էր փաստաբան, ԱԺ նախկին պատգամավոր Զարուհի Փոստանջյանին. «Զարուհի, ի՞նչ ես խոսում…Ռոբերտին ու Սերժին ծախված ստահակ, չես էլ ամաչում գետինը մտնես, դու ո՞վ ես ընդանրապես, էժա՛ն, էժա՛ն, գնա Վարդանիկին պաշտպանի, էժանի մեկը, կաշառակեր ստահակ…»։
