Ռուսաստանի ԱԳՆ պաշտոնական ներկայացուցիչ Մարիա Զախարովան մեկնաբանելով արևմտյան ԶԼՄ-ների հայտարարությունները, թե Մոսկվան արշավ է սկսել Հայաստանի վարչապետ Նիկոլ Փաշինյանի դեմ, կոչ է արել ուշադրություն դարձնել Փաշինյանի՝ սեփական քաղաքացիների նկատմամբ վերաբերմունքին:
«Sputnik» ռադիոյին տված հարցազրույցում նա կոչ է արել ուշադրություն դարձնել «ՀՀ քաղաքացիներին, որոնց վրա Փաշինյանը գոռում էր. այն կնոջը, որը «պետք է շնորհակալ լինի», որ իր գլուխը չեն ջարդել զուգարանում. այն մարդուն, որի թոռը զոհվել է, և ով եկել է հանրահավաքին, հարց տվել և մեղադրվել՝ այնտեղ գումարով գալու մեջ»։ «Արդյո՞ք ցինիզմը սահմաններ ունի, երբ այս իրավիճակը վերագրվում է Ռուսաստանին։ Ի՞նչ կապ ունի Ռուսաստանը դրա հետ։ Ո՛չ, դա մենք չենք, դա Փաշինյանն է»,- եզրափակել է նա։
