ՀՀ պաշտպանության նախարար Սուրեն Պապիկյանը, անդրադառնալով «Ուժեղ Հայաստան» կուսակցության նախընտրական ցուցակը գլխավորող Նարեկ Կարապետյանի՝ բանակում չծառայելու փաստին, ասել է. «Սամվել Կարապետյան, զարմիկդ կա՛մ հայերեն չի հասկանում, կա՛մ հասկանում է ու հատուկ մոլորեցնում հանրությանը»:
Նրա խոսքով՝ ինքը երեկ պարզ հարց էր տվել՝ ինչո՞ւ իրենց ընտանիքի 6 տղաները չեն ծառայել ՀՀ բանակում կամ, անհրաժեշտության դեպքում, ինչո՞ւ չեն մասնակցել երկրի պաշտպանությանը:
«Վայնասուն եք բարձրացրել, թե՝ ուզում են՝ մենք նահատակվենք։ Բազմոցից ընկնելիս չեն նահատակվում, ոչ էլ դղյակի մատույցներում են նահատակվում։ Դասալիքները չեն նահատակվում»,- շեշտել է նա։
