Դատախազը դիմել է ԿԸՀ՝ Անդրանիկ Թևանյանին անձեռնմխելիությունից զրկելու և նրա նկատմամբ քրեական հետապնդում հարուցելու միջնորդությամբ. այս մասին Radar Armenia-ն տեղեկացավ գլխավոր դատախազությունից։
«2026 թվականի հունիսին նշանակված ՀՀ Ազգային ժողովի ընտրություններում «Բարգավաճ Հայաստան» կուսակցության պատգամավորի թեկնածու Անդրանիկ Նորիկի Թևանյանի նկատմամբ քրեական հետապնդում հարուցելու համաձայնություն ստանալու վերաբերյալ 2026 թվականի մայիսի 22-ին դատախազը միջնորդություն է ներկայացրել ՀՀ կենտրոնական ընտրական հանձնաժողով», – ասացին դատախազությունից։
Հիշեցնենք, որ ԲՀԿ պատգամավորի թեկնածու Անդրանիկ Թևանյանը մեղադրվում է լրտեսության և պետական դավաճանության մեջ։
