ՀՀ պաշտպանության նախարար Սուրեն Պապիկյանը հերքել է ռուսաստանահայ գործարար, «Ուժեղ Հայաստան» կուսակցության ղեկավար Սամվել Կարապետյանի և նրա համախոհների հայտարարությունները, թե Հայաստանի ինքնիշխան տարածքից դիրքեր են զիջվել։
«Այստեղ կազմակերպված սուտ մատնություն է. մարդիկ, օգտվելով մեկ այլ անձի ոչ սթափ վիճակից, նկարել են այս տեսանյութը»,- ասել է նախարարը և հավելել, որ, ինչպես պարզվում է, «կալուգացի օլիգարխին չի բավարարում այն խայտառակությունը, որ պատերազմի հաշմանդամություն ունեցող անձանց սոցիալական վիճակից օգտվելով՝ 10 հազար դրամով նրանց տանում են իրենց հավաքներին, հետո էլ ամենավերջին հայհոյանքները հնչեցնում նրանց հասցեին»։
Նրա խոսքով՝ դա հիբրիդային գրոհ է. «Սա հարձակում է Հայաստանի, մեր առաջնագծում կանգնած զինվորի և մեր անվտանգային համակարգի վրա»,- նշել է նախարարը։
