«Մեր ընտանիքի տղաները թե պատերազմի ժամանակ, թե դրանից առաջ աշխատել են, որ իրենք չզոհվեն, որովհետև իրենք կենդանի մեռելներ են»,-հայտարարել է «Ուժեղ Հայաստան» կուսակցության առաջնորդ, գործարար, բարերար Սամվել Կարապետյանը՝ «Հրապարակ»-ի խմբագրի խնդրանքով անդրադառնալով վերջին օրերիին իշխանության կողմից գործի դրված «բա դու ինչի՞ չես զոհվել» խոսույթին։
Կարապետյանն ասաց, դրա փոխարեն իր ընտանիքն առաջարկում է ծրագրեր, որոնք ուղղված են երկրի ուժեղացմանը, զարգացմանը, անվտանգությանը։
«Այս մարդիկ անցած տարիներին բերելով այդքան զոհեր, չեն կշտացել, ուզում են, որ բոլորը, ընդդիմադիր ուժերը զոհվեն, եթե մենք չկանգնեցնենք այդ ծրագիրը, իրենք կհասնեն իրենց նպատակին, սաֆարովները կմտնեն Հայաստան, ու այդ ժամանակ մենք չգիտենք, թե ով կզոհվի, ով կենդանի կմնա, բայց վստահ ենք, որ առաջին հերթին իրենք կզոհվեն, քանի որ որևէ մեկը չի սիրում ու չի ընդունում այդպիսի խոսույթը։ Թող այդ ասողը լավ ուսումնասիրի իր ղեկավարած նախարարությունը, և տեսնի թե այդ ընտանիքն ու վեց տղաներն ինչեր են արել, երևի նա այդքան ուղեղ չունի, որ ուսումնասիրի»,-ասաց Կարապետյանը՝ ի նկատի ունենալով Սուրեն Պապիկյանին։
