ՌԴ Պետդումայի նախագահ Վյաչեսլավ Վոլոդինը հայտարարել է, որ ՀՀ վարչապետ Նիկոլ Փաշինյանը Ռուսաստանի հանդեպ վարում է անբարեխիղճ և ոչ բարեկամական քաղաքականություն՝ ցինիկաբար օգտագործելով ՌԴ տրամադրած ֆինանսական և տնտեսական հնարավորությունները:
Վոլոդինի խոսքով՝ Փաշինյանը քաղաքական բոլոր որոշումներն արդեն կայացրել է հօգուտ Ռուսաստանի հանդեպ թշնամաբար տրամադրված արևմտյան երկրների։
«Քաղաքականապես Փաշինյանի բոլոր որոշումներն արդեն կայացված են։ Ուզում եմ ընդգծել՝ հօգուտ այն ոչ բարեկամական երկրների հետ հարաբերությունների կառուցման, որոնք կռվում են մեր դեմ, փորձում են ոչնչացնել Ռուսաստանի Դաշնությունը, հակազդել մեր զարգացմանը։ Մենք Հայաստանին գազ ենք մատակարարում գրեթե 4 անգամ ավելի էժան՝ ի վնաս մեզ։ Այս դժվարին պահին աջակցում ենք Հայաստանի տնտեսությանը, նրա քաղաքացիներին։ Ի՞նչ ենք ստանում դրա դիմաց՝ Փաշինյանի ստորությունն ու անպարկեշտությունը։ Այսպես շարունակվել չի կարող»,- հայտարարել է Վոլոդինը։
