Սերդար Քըլըչը՝ Թուրքիա-Հայաստան ուղիղ առևտրի մասին

Թուրքիա-Հայաստան հարաբերությունների կարգավորման նոր քայլ ուղիղ առևտրում: Այս մասին «X» սոցցանցում գրառում է արել Թուրքիայի հատուկ բանագնաց Սերդար Քըլըչը՝ կիսվելով վարչապետ Նիկոլ Փաշինյանի գրառմամբ։

«Հուսով եմ, որ այս նոր քայլը, որը նաև կխորացնի Թուրքիա-Հայաստան-Ադրբեջան-Վրաստան քառակողմ համագործակցությունը և նշանակալի ներդրում կունենա տարածաշրջանային խաղաղության և կայունության մեջ, հաջողություն կբերի այս բոլոր երկրներին»,- գրել է նա։

Ավելի վաղ հայտնել էինք, որ Նիկոլ Փաշինյանը հայտարարել է՝ Ախալքալաք-Կարս երկաթուղին բաց է Հայաստանից արտահանումների և ներմուծումների համար։