«Այս տարածաշրջանում մի քանի հարյուր տարի մրցել են իրար հետ Իրանը, Թուրքիան և Ռուսաստանը։ Ռուսաստանը միակ երկիրն է, որը կարող է հակակշռել Թուրքիայի ազդեցությունն այս տարածաշրջանում»,- քարոզարշավի շրջանակում Վայոց Ձորի Վայք քաղաքում բնակչների հետ հանդիպմանն ասաց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
Այնուհետև նա հարցադրում է անում՝ ի՞նչ պետք է անի Հայաստանի արտաքին քաղաքականությունը. «Բալանասվորել այդ ուժերի ներկայությունն այստեղ, զսպել Թուրքիայի ազդեցությունն այս տարածաշրջանի վրա, իսկ դա այլ կերպ, քանի ՌԴ հետ, ուղղակի չես կարող անել»։
«Ի՞նչ է անում այս իշխանությունը, ամեն ինչ՝ Ռուսաստանի հետ հարաբերությունները փչացնելու համար։ Բայց Ռուսաստանը ոչ միայն անվտանգային առումով հավասարակշռող ուժ է, նաև տնտեսական առումով մեր հիմնական գործընկերն է։
Հայաստանի բնակչության 80 տոկոսի բարեկեցությունը զգալիորեն կախված է Ռուսաստանի հետ տնտեսական հարաբերություններից։ Սա փաստ է, չես կարող այս փաստից փախնել։ Իսկ ինչ է անում այս իշխանությունը՝ հետևողականորեն վատթարացնում է իր հարաբերություները ՌԴ հետ»,- ասաց Ռ. Քոչարյանը։
Նա նշեց, որ չի հիշում անկախությունը ձեռք բերելուց հետո մի օր, որ Ռուսաստանի պաշտոնյաները նման կոշտ հայտարարություններ անեին Հայաստանի նկատմամբ։
«Ռուսաստանից սկզբից դիվանագիտական լեզվով, հիմա ոչ դիվանագիտական լեզվով ասում են՝ խելքներդ հավաքեք, դուք պրոբլեմներ եք ունենալու, մի արեք։
Ես երկու-երեք ամիս է ասում եմ՝ մի արեք, փորձանք եք բերում մեր ժողովրդի գլխին, գինը դուք չեք տալու, ժողովուրդն է տալու»,- ասաց Ռ.Քոչարյանը։
