Մեղրաձորում նախընտրական հանդիպման ժամանակ Նիկոլ Փաշինյանը հայտարարել է, որ ընթացիկ քարոզարշավն առանձնանում է իր խաղաղ ու հանդարտ մթնոլորտով։ Նա նաև պնդել է, որ իշխանությունը փակել է փախստականների վերադարձի թեման և ընդդիմությանը մեղադրել է այն քաղաքական նպատակներով շահարկելու մեջ։
Վարչապետը խոսել է նաև մայիսի 28-ին նախատեսված զորահանդեսի մասին՝ նշելով, որ այնտեղ կցուցադրվեն հիմնականում 2022 թվականից հետո ձեռք բերված զինտեխնիկան ու սպառազինությունը, ինչը, ըստ նրա, վկայում է բանակի վերազինման և արդիականացման մասին։
