«Նախընտրական պրոցես է՝ ցույց տալու համար, որ իրենք կարողացել են ինչ-որ զենք գնել։ Վստահ եմ, որ հաջորդ իշխանությունները զենքը նվեր են ստանալու, շատ էժան են գնելու, Հայաստանն ունենալու է լուրջ անվտանգային համակարգ»,- Սարդարապատի հուշահամալիր այցի ընթացքում լրագրողների հետ զրույցում ասաց «Ուժեղ Հայաստան» կուսակցության խորհրդի անդամ Նարեկ Կարապետյանը՝ խոսելով Հանրապետության հրապարակում ընթացող զորահանդես մասին։
Ինչ վերաբերում է ԱՄՆ նախագահ Դոնալդ Թրամփի՝ Նիկոլ Փաշինյանին աջակցելու մասին գրառմանը, ինչպես նաև լրագրողը հիշեցրեց, որ Փաշինյանին աջակցություն են հայտնել Ալիևը, Էրդողանը, Կարապետյանն ասաց. «Ձեր նշած գործիչների աջակցությունը մտահոգիչ է, իսկ Թրամփը մեր բարեկամ երկրի ղեկավարն է, վստահ եմ՝ փոփոխությունից հետո աջակցություն է հայտնելու Սամվել Կարապետյանին»։
Անդրադառնալով Նիկոլ Փաշինյանի հայտարարություններին՝ ԵԱՏՄ-ից դուրս չգալու մասին, միաժամանակ ԵՄ գնալու մասին, մինչդեռ «արանքում տուժում է գյուղացին», նա ասաց. «Գյուղացիներին չեն ասում, որ իրենց վարած քաղաքականության հետևանքով բերքը մնալու է, փչանա։ Միլիոնավոր դրամների վնաս են կրում։
Պետք է հարաբերությունները լավացնել հին դաշնակիցների հետ, որպեզի կարողանանք հավասարակշռել»։
Նա ընդգծեց. «Մենք պետք է պահենք Հայաստանի հայկականությունը։ Դա է մեր հիմնական քայլն այս պահին, զարգացնենք Հայաստանը, փորձենք ապահովել այնպիսի միջավայր, որ մեր հայրենակիցները վերադառնան, Հայաստանի բնակչությունը աճի»։
