ԱՄՆ պետքարտուղար Մարկո Ռուբիոն Սպիտակ տանը տեղի ունեցած հանդիպման ընթացքում անդրադարձել է Հայաստան կատարած այցին և ստորագրված փաստաթղթերին։
«Այն վայրերից մեկը, որտեղ ես կանգ էի առել անցած գիշեր, «Թրամփի ուղի՝ հանուն միջազգային խաղաղության և բարգավաճման» նախագիծը նախաստորագրելու համար էր։ Այն խաղաղության համաձայնագրի հիմնասյուններից մեկն է, որին դուք կարողացել եք հասնել Հայաստանի և Ադրբեջանի միջև։ Բացի այդ մենք ստորագրեցինք նաև օգտակար հանածոների վերաբերյալ կարևոր փոխըմբռնման հուշագիր, ինչպես նաև ռազմավարական փոխգործակցության հուշագիր։ Հիմա մենք տեսնում ենք Հայաստանի հետ նոր, հրաշալի հարաբերությունների ձևավորում, որոնք շատ երկար ժամանակ լճացման մեջ էին։ Այսպիսով, այս ուղղությամբ նույնպես առաջընթաց ունենք», – նշել է նա։
