Վարչապետ Նիկոլ Փաշինյանն անդրադարձել է Ռոբերտ Քոչարյանի ու Գագիկ Ծառուկյանի հայտարարություններին։
«Սյունիք տվող Քոչարյանը եկել, մեզ մեղադրում էր Սյունիքը տալու մեջ, մի հատ էլ ասում էր՝ մեր հաղթանակը եթե ձեռքից խլեն։ Եթե խլելու բան կա, քո բանտը կարող են խլել, բայց կարծում եմ՝ էս անգամ չի ստացվի»,- ասել է նա։
Ինչ վերաբերում է Ծառուկյանի հայտարարություններին, թե պետք է վարչապետն ապացուցի, որ ինքն է գործակալ, Փաշինյանը նշել է. «Բա շպիոնը ինքն է, օտարերկրյա հատուկ ծառայության ցուցումով է Անդրանիկ Թևանյանին ներառել իր ցուցակ։ Ինքը օտարերկրյա գործակալ է։ Էդ ժարգոնն էլ ասում եմ՝ մի հատ խելքդ գլուխդ հավաքի, հլա մեզ քեզ հաշիվ տուր՝ ով ես ու ում հետ ես ընդհանրապես խոսում։ Հանցագործ։
Հեսա քեզնով էլ կզբաղվենք, Ծառուկյան Գագիկ, հեսա «Արարատցեմենտը» կպետականացնենք, ու հանցավոր գործարքների համար դու ու խնամիդ պատասխան եք տալու ՀՀ ժողովրդին թալանելու համար։ Ու պատրաստվիր, որ դղյակդ էլ դառնալու է ծերերի խնամքի կենտրոն մինչև 2031 թիվը։ Ես ՀՀ ընտրողների առաջ դա խոստանում եմ։ Առյուծը չգիտեմ, բայց պատրաստվիր, որ վանդակում ես ապրելու առաջիկա տասնամյակում, հետդ էլ որձ կլինի, խոստանում եմ»։
