ԱՄՆ նախագահ Դոնալդ Թրամփը Fox News-ին տված հարցազրույցում իրանցիներին անվանել է լավ բանակցողներ։
«Ես մասնակցում եմ բանակցություններին, նրանք մասնակցում են բանակցություններին։ Նրանք շատ լավ բանակցողներ են, շատ հմուտ են»,- ասել է նա՝ պնդելով՝ բոլոր խաղաքարտերը Միացյալ Նահանգների ձեռքում են, և որ Վաշինգտոնը ռազմական հաղթանակ է տարել Իսլամական Հանրապետության հետ հակամարտությունում։
Ամերիկացի առաջնորդը հավելել է, որ եթե Միացյալ Նահանգների համար հնարավոր «գործարքը լավը չլինի», ամերիկյան զինվորականները կարող են վերսկսել ռազմական գործողություններ Իրանի դեմ։
Ավելի վաղ Axios հարթակը, հղում անելով աղբյուրներին, հայտնել էր, որ ԱՄՆ-ի և Իրանի բանակցողները համաձայնության են եկել փոխըմբռնման հուշագրի նախագծի շուրջ։
