ՀՀԿ գործադիր մարմնի անդամ, ԱԺ նախկին փոխնախագահ Էդուարդ Շարմազանովն արձագանքել է Նիկոլ Փաշինյանին, ով այսօր հայտարարել է, թե ընդդիմադիր ուժերի ղեկավարները թող մտնեն ուղիղ եթեր ու ասեն, թե Ավետարանը, Աստվածաշունչն ու Նոր Կտակարանն ինչով են իրարից տարբերվում։
Շարմազանովը, ի պատասխան Փաշինյանի, նշել է, որ Սաղմոսներ անգիր անելով ու Ավետարանից մեջբերումներ անելով միայն քրիստոնյա չեն դառնում։
«Նիկոլ, դու էլ որ Աստվածաշնչի ու Ավետարանի տարբերությունը գիտես, ու՞մ է պետք։
Նիկոլն ասում է, որ ինքը Հայ Առաքելական Եկեղեցու հետեւորդ է, իսկ ընդդիմության լիդերներին առաջարկում է առանց կողմնակի օգնության ասել, թե ո՞րն է Աստվածաշնչի ու Ավետարանի տարբերությունը։
Նիկոլ, որ դու էլ գիտես էդ տարբերությունը, ու՞մ է պետք։
Սաղմոսներ անգիր անելով ու Ավետարանից մեջբերումներ անելով միայն քրիստոնյա չեն դառնում։
Քրիստոնեությունը սեր է, ներողամտություն է, գթասրտություն է ու, նախեւառաջ, գործ է։
Քրիստոնեությունն ու ատելության քարոզը անհամատեղելի են։
Քրիստոնեությունն ու լաչառությունն անհամատեղելի են։
Քրիստոնեությունն ու հայրենիք հանձնելն անհամատեղելի են։
Քրիստոնեությունն ու մեծամտությունը, նաեւ հպարտությունը անհամատեղելի են։
Մի քիչ զուսպ եղիր ու հերիք է զբաղվես փարիսեցիությամբ»,- նշել է Շարմազանովը։
