Իրանը պետք է համաձայնի, որ երբեք միջուկային զենք կամ ռումբեր չի ունենալու՝ Truth Social-ի էջում գրել է Դոնալդ Թրամփը:
«Հորմուզի նեղուցը պետք է անհապաղ բացվի, նավերի անցումը լինի անվճար և անարգել: Իրանը պետք է հեռացնի նեղուցում մնացած բոլոր ականները»,- հավելել է ԱՄՆ նախագահը:
Նա շեշտել է, որ Միացյալ Նահանգները Իրանից կհեռացնի և կոչնչացնի հարստացված ուրանի պաշարները՝ Թեհրանի և Ատոմային էներգիայի միջազգային գործակալության հետ սերտ համակարգմամբ:
Սպիտակ տան ղեկավարը տեղեկացրել է, որ ավելի պակաս կարևորության կետերի շուրջ արդեն համաձայնություն է ձեռք բերվել։ Թրամփի խոսքով՝ մոտ ապագայում ինքը վերջնական որոշում կկայացնի Իրանի հարցով:
