ՀՀ վարչապետ Նիկոլ Փաշինյանն անդրադարձել է հայ-ռուսական հարաբերություններին։
«ՌԴ-ի հետ մենք հաստատում ենք նոր հարաբերություններ, և ես համոզված եմ, որ մենք այդ գործում կհաջողենք, այդ թվում՝ այն պատճառով, որ ՌԴ-ի հետ մեր հարաբերությունները բաց են, անկեղծ են, մենք ոչ մի մութ անկյուն չենք պահել այդ հարաբերություններում»,- ասել է նա։
Անդրադառնալով ԵՄ-ին ՀՀ հնարավոր անդամակցությանը՝ վարչապետը նշել է. «Քանի դեռ Հայաստանը չի դիմել պաշտոնապես ԵՄ-ին անդամագրվելու համար կամ ԵՄ անդամության թեկնածուի կարգավիճակին շատ մոտ չէ, որևէ հանրաքվե անելն անտրամաբանական է, քանի որ, ըստ էության, հիմնավորումը չկա»։
