«Սա պրոպագանդայի մի հատված է, այսինքն մարդկանց քարոզել անհուսություն, իբր իշխանությունն արդեն հաղթել է, մարդիկ դրանից վախենան, չգնան ընտրության, համարեն անիմաստ»,- քարոզարշավի շրջանակում Մալաթիա–Սեբաստիա վարչական շրջանում նախքան քաղաքացիների հետ հանդիպումը՝ ասաց «Լուսավոր Հայաստան» կուսակցության վարչապետի թեկնածու Էդմոն Մարուքյանը՝ անդրադառնալով «Եվրանյուզի» հրապարակած հարցման արդյունքներին։
Մարուքյանը նշեց, որ «Եվրանյուզով» հրապարակել են հարցման արդյունքներ, որն իրականացվել է հայկական սոցիոլոգիական mi ընկերության կողմից, «խայտառակ տվյալներ են հրապարակել, որ իշխանությունը 65 տոկոսով հաղթում է»։
Նա նշեց, որ բացարձակապես պետք չէ նայել որևէ հարցման և պետք է անպայման գնալ ընտրատեղամաս։
«Բացարձակապես չհավատալ մինչև ընտրություններն հրապարակված հարցումներին, ուղղակի գնացեք ընտրական տեղամաս, որպեսզի խորհրդարանում լինեն բազմաթիվ ուժեր, որի արդյունքում կձևավորվի կոմպորմիասային կառավարություն կոմպրոմիսային վարչապետով, և Նիկոլ Փաշինյանը չի ընտրվի»,- ասաց Մարուքյանը։
