5 օր ունենք՝ ծանրութեթև անելու. Նաիրա Զոհրաբյան

ԱԺ նախկին պատգամավոր Նաիրա Զոհրաբյանը, «Հայելի» ակումբում ասուլիսի ժամանակ խոսելով հունիսի 7-ին սպասվող ԱԺ ընտրությունների մասին, ասել է. «5 օրից լռության օր է, հունիսի 6-ին քարոզել չի կարելի: 5 օր ունենք՝ ծանրութեթև անելու: Գիտեմ՝ Նիկոլի ագրեսիվ մասսանն մոտիվացված է ատելության: Իրենց թաղումն էլ լինի, 20 րոպե հետաձգելու են, վազելու են տեղամաս, Նիկոլին ընտրեն, նոր գնան՝ մեռնեն: Կույր աղիքը հանելուց էլ լինեն, կույր աղիքը գրկած՝ գնալու են ընտրատեղամաս: Ես ուզում եմ, որ հասարակության ադեկվատ հատվածն էդպես մոտիվացված լինի սիրով, համերաշխությամբ, երկիրը փրկելով: Նրանց մոտիվացիան ատելությունն ա, ուզում եմ մերը լինի սերը, համերաշխությունը»։