Ռոբերտ Քոչարյանն այսօրվա նախընտրական հանդիպմանն անդրադարձել է ՌԴ արտահանվող գյուղարտադրանքի նկատմամբ սահմանափակումներին։
«Սրանք արկածախնդիր են։ 2018-20 թթ. արեցին ամեն ինչ, որ հրահրեն պատերազմ, և պարտվեցին այդ պատերազմում։ Հիմա անում են ամեն ինչ, որ մեր գյուղատնտեսությունն ունենա լրջագույն պրոբլեմներ»,- ասել է նա։
Ըստ Քոչարյանի՝ երկրի տնտեսական և արտաքին քաղաքականությունը չեն կարող տարբեր ուղղություններով ընթանալ. «Հայտնվելու է շպագատի մեջ, իսկ շպագատը մի քիչ վտանգավոր է, հատկապես եթե վարժված չես։
Հիմա այս վիճակում է երկիրը»։
Նա անդրադարձել է նաև ՌԴ նախագահի հետ Նիկոլ Փաշինյանի հեռախոսազրույցին. «Երեկ փորձեցին հրճվել՝ ՌԴ նախագահը զանգեց, ծնունդը շնորհավորեց, վերջ, բոլոր հարցերը լուծված են, ուրեմն կսկսի գյուղարտադրանքը հոսել ՀՀ-ից ՌԴ։ Ուղիղ 3 ժամ հետո ողջ մրգերի վրա սահմանափակում մտցվեց»,- ասել է Քոչարյանը։
