ԱՄՆ պետքարտուղար Մարկո Ռուբիոն հայտարարել է, որ Հայաստանի և Ադրբեջանի միջև հակամարտությունն ավարտվել է, և կողմերը ստորագրել են «Թրամփի միջազգային խաղաղության և բարօրության երթուղու» (TRIPP) ստեղծման վերաբերյալ փոխըմբռնման հուշագիրը։ Այս մասին նա նշել է ԱՄՆ Ներկայացուցիչների պալատի արտաքին հարաբերությունների հանձնաժողովում բյուջետային քննարկումների ժամանակ։
«Հայաստան և Ադրբեջան հակամարտությունն ավարտվել է։ Դա ոչ միայն ավարտվեց, այլև ավարտվեց երեկ Փոխըմբռնման հուշագրի ստորագրմամբ, որը ստեղծում է բարգավաճման նոր՝ TRIPP երթուղին, որը բացառիկ հնարավորություններ կընձեռի երկու երկրներին, հատկապես Հայաստանին, հարգելով նրանց ինքնիշխանությունը, որպեսզի դրանից իրական օգուտներ քաղեն»,- ասել է ԱՄՆ-ը պետքարտուղարը։
