«Խորհրդարանական այս ընտրություններում պետք է մեկուկես միլիոն ձայն, ինչպես մեկուկես միլիոն մոմ՝ ի հիշատակ Հայոց ցեղասպանության նահատակների։ Մեկուկես միլիոն ձայն, որպես հիշատակ և որպես Հայաստանի վերածննդի ուղերձ ամբողջ աշխարհին»,-գրում է ԲՀԿ առաջնորդ Գագիկ Ծառուկյանը՝ ամփոփելով ընտրական քարոզարշավը։
Նա նշում է, որ այս գաղափարի շուրջ հազարավոր քաղաքացիների հետ միասնության քայլերթով շարժվեցին դեպի Ազատության հրապարակ՝ վերահաստատելով, որ մեր երկրին անհրաժեշտ են ոչ թե թշնամանք ու պառակտում, այլ ներքին համերաշխություն, հանդուրժողականություն և ազգային միասնություն։
«Հունիսի 7-ին գնա՛ քվեարկության, որպեսզի Հայաստանը մնա ինքնիշխան և հայկական։ Սպասե՛ք լավ փոփոխությունների»,-նշում է Ծառուկյանը։
