Հայաստանը բավական երկար ժամանակ դե ֆակտո չի մասնակցում ՀԱՊԿ գործունեությանը, հայտարարել է Դմիտրի Պեսկովը:
Կրեմլի պաշտոնական ներկայացուցիչը համոզմունք է հայտնել, որ դեպի ԵԱՏՄ կողմնորոշումը Երևանի համար ավելի ծանրակշիռ և շահավետ ճանապարհ է: Ընդ որում, հանրապետության ղեկավարությունն իբր արհեստականորեն փորձում է երկիրը դնել խաչմերուկում՝ ընտրություն առաջարկելով Եվրոպայի և ԵԱՏՄ-ի միջև։
«Մենք գիտենք, որ հիմա Հայաստանի ներկայիս ղեկավարությունը, ես կասեի, երևի արհեստականորեն փորձում է երկիրը դնել խաչմերուկում։ Պատրաստվում է երկրի համար ընտրություն կազմակերպել դեպի Եվրոպա կամ դեպի ԵԱՏՄ», – ասել Է Պեսկովը։
Նրա խոսքով՝ դեպի ԵԱՏՄ կողմնորոշումն ավելի շահավետ է Հայաստանի համար, քանի որ այն ապահովում է տնտեսական աճ և եկամուտների կայունություն: Նա հավելել է, որ վերջնական որոշումը պետք է մնա հայ ժողովրդին, Իսկ Ռուսաստանի համար կարևոր է, որ ընտրությունը օգտակար լինի հենց Հայաստանին:
