«Սա իշխանությունների պայքարն է ընդդեմ ազատ խոսքի և այս ամենին պետք է արձագանքի միջազգային հանրությունը»,- ArmatMedia-ի խմբագրությունում իրականացվող խուզարկություններին նման գնահատական տվեց ArmatMedia-ի գլխավոր խմբագիր Նելլի Ավետիսյանը։
Նրա խոսքով, այս խուզարկությունների հիմնական պատճառը երեկ Հանրային հեռուստատեսության կազմակերպած բանավեճում Նիկոլ Փաշինյանի պարտությունն է։
«Երեկվա մեծ բանավեճին Փաշինյանը հստակ պարտվեց իր խոսքով, իսկ այսօր հարձակում գործեց լրատվամիջոցի դեմ, այս ամենը քաղաքական շահի սպասարկում է, որպեսզի ընտրություններց առաջ մենք չկարողանանք աշխատել»,-ասավ Նելլի Ավետիսյանը։
Նշենք, որ ավելի վաղ խմբագիր Աղավնի Սուքիասյանը հայտնել էր, որ իրավապահները քննչական գործողություններն իրականացրել են առանց իրենց փաստաբանների ներկայության, տարել են իր ու գլխավոր խմբագրի համակարգիչները, առգրավել են բոլոր աշխատակիցների հեռախոսները։
Քննչական գործողություններին մասնակցում են ինչպես ԱԱԾ, այնպես էլ ՔԿ քննիչներ, դեպքի վայր են ժամանել նաև ոստիկաններ։
