Ի գիտություն ընտրողների. Ինչպե՞ս քվեարկել ապրիլի 7-ին, որպեսզի քվեաթերթիկը անվավեր չհամարվի։
Այսօր Հայաստանի Հանրապետությունում ընթանում են խորհրդարանական ընտրություններ։ Կենտրոնական ընտրական հանձնաժողովը հիշեցնում է, որ քվեարկության գործընթացն առավելագույնս պարզեցված է, սակայն կան կանոններ, որոնց չտիրապետելը կարող է հանգեցնել քվեաթերթիկի անվավերությանը։
Քվեաթերթիկի վրա չի կարելի կատարել որևէ նշում։ Չի կարելի դնել պլյուս, գալոչկա կամ որևէ այլ սիմվոլ։ Չի կարելի գրառումներ անել, ընդգծել կամ ջնջումներ կատարել, ինչպես նաև պատռել կամ ծալել թերթիկը։ Ցանկացած ավելորդ նշան, անկախ դրա չափից կամ բնույթից, հիմք է հանդիսանալու, որպեսզի տվյալ քվեաթերթիկը ճանաչվի անվավեր և չհաշվարկվի։
Ինչպե՞ս է կատարվում քվեարկությունը
Քվեախցիկում առկա բոլոր քվեաթերթիկներից ընտրողը պետք է առանձնացնի միայն այն մեկը, որի օգտին ցանկանում է քվեարկել։ Այդ առանձնացված քվեաթերթիկը պարզապես պետք է դնել քվեարկության ծրարի մեջ։ Որևէ այլ գործողություն անել պետք չէ։ Մնացած բոլոր չօգտագործված քվեաթերթիկները պետք է գցել քվեախցիկում տեղադրված առանձին արկղի մեջ, որպեսզի ապահովվի քվեարկության գաղտնիությունը։
