Նիկոլ Փաշինյանն ԱԺ-ում անդրադարձել է ԱԺ ընտրությունների արդյունքներին։ «2026 թվականի հունիսի 7-ին տեղի ունեցած ընտրությունների արդյունքներում Հայաստանի Հանրապետության ժողովուրդը իր քվեարկությամբ տեր կանգնեց պետությանը, տեր կանգնեց անկախությանը, տեր կանգնեց ապագային, տեր կանգնեց խաղաղությանը, տեր կանգնեց Հայաստանի Հանրապետությանը և պիտի արձանագրեմ, որ պատերազմի եռագլուխ կուսակցությունը ջախջախված է»։
Նիկոլ Փաշինյանը նշել է, որ ա կարևոր, բայց ոչ վերջնական արդյունք է. «Կարծում եմ, որ ժողովուրդը նաև իր կամքը հստակ արտահայտեց առ այն, որ պատերազմի եռագլուխ կուսակցությունը և նրան ուղեկցող քրեաօլիգարխիկ համակարգը պետք է արմատախիլ արվի Հայաստանի Հանրապետությունից, և իհարկե, սա լինելու է քաղաքական մեծամասնության և կառավարության կարևորագույն օրակարգերից մեկը, որը մենք պետք է իրականացնենք առանց հետաձգումների և շատ վճռական ու հատուկ քայլերով»,-նշել է նա։
Փաշինյանը հավելել է, որ շնորհավորում է Քաղաքացիական պայմանագիր կուսակցությանը՝ արձանագրած արդյունքի և հաղթանակի առումով առիթով։ «Քաղաքացիական պայմանագիրը կունենա խորհրդարանական մեծամասնություն, ինչպես նաև կձևավորի կառավարություն, և առաջիկա ամիսներին մենք այդ թեման քննարկելու հնարավորություն կունենանք»,-հայտնել է վարչապետը։
