Շնորհակալ եմ ձեզ՝ առյուծի պես պայքարելու համար. Նարեկ Կարապետյան

«Հարգելի հայրենակիցներ, հարյուր հազարավոր քաղաքացիներ, շնորհակալ ենք ձեզ առյուծի պես պայքարելու համար»,-դիմելով իրենց ուժի օգտիբն քվեարկածներին՝ հայտարարեց «Ուժեղ Հայաստան» կուսակցության քաղխորհրդի անդամ Նարեկ Կարապետյանը։

Նա շնորհակալություն է հայտնում նաև հարյուրավոր իրենց ընկերներին, որոնք հիմա անազատության մեջ։

«Նրանք անօրինական ձերբակալվել են, որպեսզի ՔՊ-ն կարողանա իր գործերն անի ընտրական պրոցեսի ժամանակ։ Շնորհակալ եմ ձեզ, ձեր միջոցով է, որ հայ ազգը կարող է ապահովել իր պաշտպանողականությունը»,-ասաց Կարապետյանը։

Ընդդիմադիր ուժի ընտրական ցուցակի առաջին համարը զբաղեցնող գործիչն ասաց՝ հայտարարությամբ հանդես կգան արդյունքների վերջնական ամփոփումից հետո։

Ընտրողների ընդհանուր թիվը կազմել է 2 միլիոն 507 հազար 216, քվեարկությանը մասնակցել է 1 միլիոն 477 հազար 736՝ ընտրողների 58,94 տոկոսը։

Հրապարակած վերջին տվյալների համաձայն, քվեները բաշխվել են այսպես.

«Քաղաքացիական պայմանագիր»՝ 727 հազար 827 հազար՝ 49, 825 տոկոս
«Ուժեղ Հայաստան»՝ 340 հազար 88՝ 23,281 տոկոս
«Հայաստան» դաշինք՝ 145 հազար 113՝ 9, 934 տոկոս
«Բարգավաճ Հայաստան»՝ 58 հազար 378՝ 3,996 տոկոս

Ընտրություններին մասնակցել է 16 կուսակցություն և 2 դաշինք։