ԱԳ նախարար Արարատ Միրզոյանն անդրադարձել է հայ-թուրքական հարաբերություններին՝ վստահություն հայտնելով, որ առաջիկայում դրանք ամբողջությամբ կկարգավորվեն։
Նա հիշեցրել է, որ Թուրքիայի հետ երկխոսությունը շարունակվել է, տեղի են ունեցել Գյումրի–Կարս երկաթուղու վերագործարկման համար ստեղծված աշխատանքային խմբի հանդիպումներ։
«Իմ ակնկալիքն ու կարծիքն այն են, որ շատ մոտ ապագայում յուրաքանչյուր փուլում շոշափելի առաջընթաց ենք ունենալու Թուրքիայի հետ մեր հարաբերությունների ամբողջական կարգավորման ուղղությամբ։ Սակայն ուզում եմ վստահություն հայտնել, որ առաջիկայում ամբողջական կարգավորում կունենանք։
Միայն վերջին իրադարձությունը նշեմ․ այժմ Թուրքիայի և Հայաստանի միջև ունենք մաքսային իմաստով ուղիղ առևտուր, մինչդեռ աշխարհագրորեն այն դեռ իրականացվում է երրորդ երկրների տարածքով»,– ասել է նա։
