Ուկրաինայի նախագահ Վոլոդիմիր Զելենսկին հայտարարել է, թե Ռուսաստանը միայնակ է մնացել և որ նրա քաղաքական ազդեցությունն այլ երկրներում թուլանում է։ Զելենսկին օրինակ է բերել նաև Հայաստանն ու Ադրբեջանը։
«Ռուսական քաղաքական ազդեցությունն այլ երկրների վրա նվազում է։ Ադրբեջանը՝ նրանք անկախ են։ Հայաստանը՝ երեկվա ընտրությունները մեծ հաջողություն էին Հայաստանի անկախության համար։ Կարծում եմ նաև, որ ռուսները կորցրել են Մոլդովան։ Իհարկե, նրանք չեն ցանկանում կորցնել Ուկրաինան, քանի որ անկախ և ազատ Ուկրաինան ամենամեծ ու քաղաքականապես ամենավտանգավոր երկիրն է Ռուսաստանի համար։
Երբ Ուկրաինան անդամակցի ԵՄ-ին, Պուտինը ներքին խնդիրներ կունենա տարբեր ժողովուրդների, հատկապես Կովկասի ժողովուրդների հետ։ Ողջ Ռուսաստանի տարբեր ժողովուրդներ հարցեր կբարձրացնեն»,- ասել է նա։
