Երեկ առանց Կենտրոնական ընտրական հանձնաժողովի համաձայնության մեղադրյալի կարգավիճակ ստացած Գագիկ Ծառուկյանը հարցաքննվել է Քննչական կոմիտեում, հերքել իրեն առնչվող նոր մեղադրանքը, այն որակել անհիմն:
«Ազատության» հետ զրույցում նրա փաստաբանը փոխանցել է՝ նոր քրեական գործը հարուցվել է 7 տարի առաջ՝ 2019 թվականին, և իր բիզնեսը հավատարմագրային կառավարման հանձնած Ծառուկյանն այդ մասին երեկ է տեղեկացել:
Փաստաբանն ասել է նաև, որ դեռ 2019-ին այդ բիզնես ընկերություններում ստուգումներ են արվել, և որևէ խախտում չի հայտնաբերվել: Նա, սակայն, չի նշել, թե որ մեծահարուստ գործարարի ընկերություններն են հայտնվել իրավապահների ուշադրության տակ: Ասել է՝ նախաքննության գաղտնիքից ելնելով շատ մանրամասներ չի կարող բացահայտել:
