«Ասենք՝ մարդիկ կան, որ, օրինակ, ինձ նամակ են գրում, ասում են՝ էսօր ես ինքնասպանություն եմ գործելու, եթե էսօր իմ վարկը չփակեք։ Եվ կան մարդիկ, որ արդեն մի տարի այդ նամակը գրում են ամեն օր։ Սա պրոբլեմ է», – ասել է վարչապետ Նիկոլ Փաշինյանը կառավարության նիստում։
Նրա խոսքով՝ մարդը պետք է հասկանա, որ դա իր պրոբլեմն է, և երբ մեզնից յուրաքանչյուրը պատասխանատվություն է վերցնում, չպիտի վերցնի այն հույսով, որ մեկ ուրիշը կգտնվի, կամ պետությունը, հարևանը, բարեկամը կգա և այդ պատասխանատվությունը կկրի. «Դա վատ բան է, դա ապասոցիալական և ապահանրային գործելակերպ է։ Այսինքն՝ առանցքում պետք է լինի կրթությունը։ Մենք ամեն ինչ պետք է անենք։ Իմիջիայլոց, ուզում եմ հիշեցնել, որ մենք կրթության շեմը պիտի իջեցնենք, մսուրային հատվածի զարգացումը մեր առանցքային թեմաներից մեկն է», – ասել է վարչապետը։
