Ռուսաստանահայ գործարար, «Ուժեղ Հայաստան» կուսակցության նախագահ Սամվել Կարապետյանը նախընտրական շրջանում իր անցկացրած «կառավարության նիստերի» շարունակականության մասին հարցին ի պատասխան նշել է. «Արդեն իսկական վարչապետի կաբինետում կանցկացնենք»։
Իրենց հետագա քայլերի մասին խոսելիս Կարապետյանը նշել է. «Եթե վա-բանկ գնալու լինեինք, առաջին օրը հենց հնարավորություն ունեինք, չգնացինք, որովհետև ուզում ենք օրինական ճանապարհով դա անենք։ Իսկ թե [ինչի մասին հնարավորություն կար, որ չենք արել], այ էտի, կարա՞մ մի հատ գաղտնիք ունենամ, այ էդ մեկը թող գաղտնիք մնա»։
Նա պնդել է, որ իրենք սխալներ չեն գործել։ Հարցին՝ ընտրություններին 1.5 մլն մասնակցությունը, որի հետ հույս էին կապում, չօգնե՞ց, Կարապետյանը նշել է. «Այ ամենադարդն էն ա, որ 1,5 միլիոնն օգնեց Փաշինյանին։ Այսինքն մեզ խաբեցին էդ միլիոնուկեսով»։
Կարապետյանը նաև ասել է. «Մենք չենք հաղթել, Փաշինյանն էլ չի հաղթել։ Պարտվել է հայ ժողովուրդը, դիմում ենք ՍԴ, որ ճիշտ որոշում կայացնի»։
