Բրյուսելում ԵՄ արտաքին գործերի խորհրդի նիստի շրջանակում կայացել է Էստոնիայի արտգործնախարար Մարգուս Ցահքնայի հանդիպումը ՀՀ ԱԳ նախարար Արարատ Միրզոյանի հետ: Էստոնիայի արտաքին գերատեսչության ղեկավարը վստահեցրել է իր հայ գործընկերոջը, որ Եվրապան Հայաստանի կողքին է:
«Վստահեցրի իմ ընկերոջը՝ ՀՀ արտաքին գործերի նախարար Արարատ Միրզոյանին, որ ԵՄ-ն ամուր կանգնած է Հայաստանի կողքին՝ Ռուսաստանի ապակայունացնող ազդեցությանը դիմակայելու գործում։ Կշարունակենք աջակցել Հայաստանի ջանքերին՝ խորացնելու առևտրային կապերը հարևանների հետ, նաև ընդլայնման ու պատժամիջոցների քաղաքականության վերաբերյալ կառուցողական քննարկումներին՝ ԵՄ հանձնակատար Մարթա Կոսի, Չեխիայի արտգործնախարար Պետր Մաչինկայի, Իռլանդիայի ԱԳ նախարար Էնթիի, Մալթայի արտգործնախարար Քրիսֆիարնի և Սլովենիայի ԱԳ նախարար Կայզերի հետ»,- գրել է Մարգուս Ցահքնան Իքսի իր էջում։
