ԱԺ փոխնախագահ Ռուբեն Ռուբինյանը ճեպազրույցում անդրադարձել է ընտրակաշառքների բաժանմանը՝ հավելելով, որ ընտրակաշառք բաժանողները պետք է ձերբակալվեն։
«Բավարար չէ ձերբակալել մի քանի տեղային «տասովշիկների»։ Ինձ համար և ցանկացած բանական մարդու համար ակնհայտ է, որ մի «տասովշիկ» չէր կարող զարթնել և որոշել, որ ինքն ընտրակաշառք բաժանի։ Ակնհայտ է, որ այդ «տասովշիկին» այդ գումարները տվել են և տալիս էլ հրահանգել՝ «Այս քեզ փող, կգնաս, կմուծես, որ ընտրեն մեզ»։ Ինձ համար ակնհայտ է, որ պատասխանատվություն են կրում երեք կուսակցությունները»,- ասել է նա՝ հավելելով, որ դրանք են՝ «Ուժեղ Հայաստանը», «Հայաստան» դաշինքը և «Բարգավաճ Հայաստանը»։
Նա կոչ է արել իրավապահներին բացահայտել այս սխեման։
