ՀՀ ԷՆ Զբոսաշրջության կոմիտեի կողմից հրապարակված մամուլի հաղորդագրության արդյունքում իտալական հեղինակավոր Italia a Tavola հարթակը հրապարակել է հոդված Հայաստանի մասին, որպես աճող զբոսաշրջային ուղղություն։
Միջնադարյան վանքերից և ՅՈՒՆԵՍԿՕ-ի ժառանգությունից մինչև Տրանսկովկասյան արշավային ուղիներ՝ Հայաստանը շարունակում է ամրապնդել իր դիրքը, որպես պահանջված զբոսաշրջային ուղղություն։
Զբոսաշրջային հոսքերի աճը, ըստ հոդվածի, պայմանավորված է Երևան ուղիղ ավիաչվերթների ընդլայնմամբ և Հայաստանի բազմազան զբոսաշրջային առաջարկներով՝ մշակույթից և բնությունից մինչև արկածային և գինու զբոսաշրջություն։
